თუ თქვენ ხართ უცხოური საწარმოს შვილობილი კომპანია საქართველოში და დამფუძნებელ კომპანიასთან კომერციულ ოპერაციებს ახორციელებთ ან/და შეღავათიანი დაბეგვრის ზონაში რეგისტრირებულ პირებთან ტრანზაქციებს აწარმოებთ, კანონით მოგეთხოვებათ სპეციალური დოკუმენტაციის მომზადება იმის სადემონსტრაციოდ, რომ ასეთი ტრანზაქციების ფასები შეესაბამება საბაზრო პრინციპებს. საქართველოში, ავსტრიასა და გერმანიაში მიღებული განათლებითა და სამუშაო გამოცდილებით, ჩვენ ამ საკითხში სპეციალიზებულები ვართ. ჩვენ დაგეხმარებით ასეთი დოკუმენტაციის მაღალი ხარისხით მომზადებაში და სწორი საფასო პოლიტიკის ჩამოყალიბებაში. დასაწყისისთვის უბრალოდ მოგვწერეთ და ჩვენ შეგიფასებთ რისკებს.

თუ თქვენ ხართ უცხოური კომპანიის წარმომადგენლობა/მუდმივი დაწესებულება საქართველოში, აუცილებლად უნდა გაითვალისწინოთ სპეციალური წესები, რათა სწორად განსაზღვროთ თქვენი წარმომადგენლობის/მუდმივი დაწესებულების მოგების გადასახადით დასაბეგრი ბაზა საქართველოში და არა მხოლოდ. დიდი სიამოვნებით გამოვიყენებთ ჩვენს საერთაშორისო გამოცდილებასა და განათლებას თქვენთვის ამ საკითხების მოგვარებაში.

საქართველოს უკვე 56 ქვეყანასთან აქვს გაფორმებული შეთანხმება ორმაგი დაბეგვრის აცილების შესახებ (ლინკი მოფი). ეს ნიშნავს, რომ თქვენ შეგიძლიათ ისარგებლოთ ამ ხელშეკრულებებით და გადაიხადოთ ნაკლები გადასახადი, როდესაც ამ 56 ქვეყნის რეზიდენტებთან ახორციელებთ ოპერაციებს. თუმცა ორმაგი დაბეგვრის ხელშეკრულებით სარგებლობა შესაძლოა მოხდეს შეცდომით, არასწორად, რაც შედეგად საგადასახადო რისკებს და სანქციებს გამოიწვევს. ჩვენ შევამოწმებთ, რამდენად სწორად გაქვთ გამოყენებული ასეთი ხელშეკრულებები, შეგიფასებთ რისკებს და სავარაუდო სარგებელს, რომლის მიღებაც ორმაგი დაბეგვრის ხელშეკრულებებით შეგიძლიათ და ჯერ არ მიგიღიათ. რაც ყველაზე მთავარია, ჩვენ გავაგრძელებთ თქვენს კონსულტირებას მომავალშიც.
საქართველოში ორმაგი დაბეგვრის ხელშეკრულებების გამოყენებასთან დაკავშირებული მიდგომების ჩამოყალიბებაში TPsolution -ის დამფუძნებელი მნიშვნელოვან როლს ასრულებდა შემოსავლების სამსახურში მუშაობის დროს. შემდეგ მან ცოდნა კიდევ უფრო გაიღრმავა ავსტრიაში სამაგისტრო პროგრამის გავლისა და ევროკავშირის ქვეყნებში ამ მიმართულებით მუშაობისას. ასე რომ, ამ მხრივაც, ჩვენთან თქვენ ნამდვილად საიმედო ხელში ხართ.

კომპანიის ბუღალტერს მეტისმეტად ბევრი ამოცანა აქვს გადასაჭრელი ყოველდღიურად იმისთვის, რომ საგადასახადო კანონმდებლობაც ზედმიწევნით იცოდეს, თვალი მიადევნოს ცვლილებებს და საგადასახადო საკითხებიც თავად გადაწყვიტოს. ჩვეულებრივ, მას ეს არც მოეთხოვება.
როგორც წესი, შეცდომების ალბათობის მინიმალიზაციისა და მისაღწევი შედეგების ოპტიმიზაციისათვის, საუკეთესო საშუალება ორი პროფესიონალის კომბინირებული მუშაობაა: ბუღალტრის და საგადასახადო აუდიტორის, რომელიც მას პერიოდულად გაუწევს კონსულტაციას საგადასახადო საკითხებთან დაკავშირებით. მიზანი-საგადასახადო აღრიცხვის პოლიტიკის სისწორის შემოწმება, კოლაბორაციის შედეგი კი – საგადასახადო რისკების/მოსალოდნელი სანქციების მინიმალიზაცია.
ჩვენ გთავაზობთ პერიოდულ საგადასახადო კონსულტაციებს, რომელთა მაღალი ხარისხის შესანარჩუნებლად გამოვიყენებთ არა მხოლოდ საგადასახადო კანონმდებლობის ზედმიწევნით ცოდნას, არამედ – ინფორმაციასაც შემოსავლების სამსახურის მიდგომებთან დაკავშირებით. ჩვენმა პროფესიონალმა თანამშრომლებმა მრავალი წელი შემოსავლების სამსახურის აუდიტის დეპარტამენტში გაატარეს და საგადასახადო კანონმდებლობასაც და მიდგომებსაც ძალიან კარგად იცნობენ.

იმ შემთხვევაში, თუ შემოსავლების სამსახური თქვენს კომპანიაში საგადასახადო აუდიტს დანიშნავს, თქვენ ვეღარ შეძლებთ წარსული შეცდომების გამოსწორებას იმ პერიოდისთვის, რომელზეც შემოწმება დაინიშნა, რამაც შესაძლოა თქვენთვის სანქციების დაკისრება და კომპანიის რეპუტაციის შელახვა გამოიწვიოს. ამიტომ ყოველთვის უმჯობესია, რომ თქვენი სავარაუდო შეცდომები, საგადასახადო რისკები, მრავალმხრივად ინტერპრეტირებადი საკითხები შემოწმების დაწყებამდე იცოდეთ და თავად გადაწყვიტოთ განახორციელებთ თუ არა ცვლილებებს. საგადასახადო აუდიტი, რომელსაც კომპანია TPsolution გთავაზობთ, სწორედ ამ მიზანს ემსახურება. ჩვენ გავაანალიზებთ თქვენს მიერ განხორციელებულ ბიზნეს-ტრანზაქციებს და შევაფასებთ მათთან დაკავშრებულ მოსალოდნელ საგადასახადო შედეგებს.

თუ შემოსავლების სამსახურმა საგადასახადო შემოწმების დაწყების თაობაზე შეტყობინება გამოგიგზავნათ, ეს ნიშნავს, რომ ძალიან დიდი ალბათობით, ასეთი შემოწმება შეტყობინების გამოგზავნიდან დაახლოებით 10-30 დღის შუალედში ჩატარდება. ეს დრო შეგიძლიათ საგადასახადო პროფესიონალთან დასაკავშირებლად გამოიყენოთ, რომელიც შემოსავლების სამსახურის აუდიტის დეპარტამენტში თქვენი წარმომადგენელი იქნება.
მნიშვნელოვანია, რომ საგადასახადო შემოწმების პროცესში, საგადასახადო ორგანოსთან თქვენი კომპანიის სახელით კომუნიკაციას ახორციელებდეს პირი, რომელსაც საგადასახადო კანონმდებლობის და შემოსავლების სამსახურის მიდგომების სიღრმისეული ცოდნა გააჩნია. ასეთი პროფესიონალი შეგიმცირებთ შემოწმების პროცესში საგადასახადო ვალდებულებების წარმოშობის რისკებს და დაიცავს თქვენს პოზიციას.

უძრავ-მოძრავი ქონების ღირებულების შეფასებას საერთაშორისოდ აღიარებული სტანდარტების მიხედვით ახორციელებს ჩვენი მაღალკვალიფიციური, მუდამ განვითარების პროცესში მყოფი ახალგაზრდა პროფესიონალი