2021 wlidan kriptovalutis degegit dabegvris sakitxi kodeqsitac daregulirdeba
  • ოქტომბერი 25, 2020
  • dato
  • კატეგორიის გარეშე
  • 0

შენიშვნა: აღნიშნული სტატია გელა ბარშოვის მიერ თავდაპირველად გამოქვეყნდა BMG-ზე.

საგადასახადო კოდექსის ცვლილებები

საგადასახადო ცვლილებები

2021 წლის იანვრიდან საგადასახადო კოდექსის დღგ-ის კარში მნიშვნელოვანი, მასშტაბური ცვლილებები შედის ძალაში. აღსანიშნავია, რომ დღგ-ის კარის ახალი რედაქცია მნიშვნელოვანად განსხვავდება დღეს არსებულისგან.

მაგალითად,

შეცვლილია მუხლების ნუმერაცია;

შემოვიდა ახალი, განსხვავებული ტერმინები;

შეიცვალა დღგ-ის სავალდებულო რეგისტრაციის წესი;

ზოგ შემთხვევაში განსხვავებული დაბეგვრის პრინციპები ამოქმედა,

დაემატა ახალი დღგ-ისგან გატავისუფლებული ოპერაციები;

და ა.შ.

დღგ-ის ახალი, 2021 წლიდან მოქმედი რედაქცია ასევე დაარეგულირებს კრიპტოაქტივის მიწოდების დაბეგვრის საკითხს.

საქართველოს საგადასახადო კოდექსის 160-ე მუხლის მე-2 ნაწილის მიხედვით, კრიპრტოგრაფიული ვალუტის (კრიპტოაქტივი, მაგალითად, ბიტკოინი) მიწოდება ისევე არ განიხილება დღგ-ის მიზნებისთვის საქონლის მიწოდებად, როგორც-ფული. კოდექსის 1601 მუხლის მე-4 ნაწილი აზუსტებს, რომ ასეთ აქტივზე საკუთრების გადაცემა მომსახურების გაწევადაც არ განიხილება.

უნდა აღინიშნოს, რომ ზემოთ მოცემული ახალი ჩანაწერებით კრიპტოაქტივთან დაკავშირებით დაბერგვრის ახალი ნორმა შემოსულა. აღნიშნული საკითხი უკვე დეტალურად არის რეგულირებული 2019 წლის 28 ივნისს ფინანსთა მინისტრის მიერ გამოცემულ საჯარო გადაწყვეტილებაში #201. მოცემული გადაწყვეტიების მიხედვითაც არ იბეგრება დღგ-ით კრიპტოაქტივის მიწოდება.

ამის მიუხედავად, ცვლილება მაინც დადებითად შეიძლება შეფასდეს, რადგან საკითხის კოდექსით რეგულირება ბევრად მაღალ საგადასახადო სიცხადეს (tax certainty) იძლევა გადასახადის გადამხდელისთვის, განსაკუთრებით, უცხოელი პირებისთვის, ვიდრე მინისტრის მიერ გამოცემული საჯარო გადაწყვეტილებით რეგულირება.

ავტორის შესახებ: გელა ბარშოვი არის საგადასახადო კონსულტანტი და აუდიტორული/საკონსულტაციო ფირმა „თიფი სოლუშენის“ მმართველი პარტნიორი. ელ.ფოსტა: gela.barshovi@tpsolution.ge

დაგვიკავშირდით ნებისმიერ დროს

გაესაუბრეთ ექსპერტს

დაგვიკავშირდით და მიიღეთ კონსულტაცია თიფი სოლუშენისგან

image

ლოკაცია

თბილისი, საქართველო

მოითხოვე კონსულტაცია

მოგვწერეთ თქვენი კითხვა საგადასახადო საკითხებთან დაკავშირებით და ჩვენ აუცილებლად გიპასუხებთ